Boletín de Prensa

Cañar, 19 de mayo de 2006

ECUADOR KICHWA LLAKTAKUNAPAK JATUN TANTANAKUYMI KALLARIRKA

Kay jatun tandanakuyka imashina llankashpa shamushkamanta tupunkapakmi kan; shinallatak, ECUARUNARIpak proyecto polìticota shinllichingapak; Coordinadora Andina tandanakuitapash shinllichingapakmi, kay coordinadora ukupimi kan Bolivia, Colombia, Chile, Ecuador y Perù mama llaktakunamanta.

Ñukanchik llaktamanta, shuktak karu mama llaktakunamanta pushakkunami kay tantanakuymanka chayamushka. Coliseo Municipal Tiopamba, Cañar kitipimi tantanakushkakuna.

Chaska, 18 aymuray, tutapimi kay jatun tantanakuytaka callarichishka, Plaza Atahualpa kuskapi, maipimi rimarkakuna: Humberto Cholango, ECUARUNARIta pushak, Luis Macas, CONAIEta pushak, Jaime Bernal, Cañar kitipak alcalde, Jessica Peñafiel wawakunapak shutipi pushak, Antonio Kaizán, UPCCCta pushak, Mario Palacios, Perumanta CONACAMIta jipa pushak; Martín Condori Flores, Boliviamanta CONAMAQta pushak; María Figueroa Colombia tandanakuipak shutipi rimak; Miguel Cheuqueman, Chile tandanakuimanta apak.

Kay tantanakuymanka shinallatak chayamurkami Miguel Lòpez, Bloque Pachakutikpa Apu, Salvador Quishpe, Zamora Chinchipemanta Diputado y Ricardo Ulcuango, Pichinchamanta diputado.

“Ecuador runakunapak rikcharimui” shutiwanmi ECUARUNARIka kallarirka 1972 watapi. Kunanka ECUARUNARIka jatun kichwa runakunapak markakunata wankurikmi kan.

Tukuykuna tantarishpa llankashkamantami, CODENPE, DINEIB, Direcciòn de Salud Indígena, kushka kamachikkunata walpachishka. DINEIBka wacharirkami ashtawanka runa shimipi kawsay yachaykunata sinchiyachingapak. Kay kimsa chunkachishka watakunapika, shuktak jatun llankay paktachishkami kan: derechos colectivosta, Ecuador mama llaktapak jatun kamachik kamupi kilkarishka.

Martha Santillàn
Comisiòn de Comunicación
II Congreso ECUARUNARI