IMAMANTATA TRATADO DE LIBRE COMERCIOTA NA NINCHI

 

1.- TLCta paktachikpika, pampakunapi kawsakkuna, runakunapash mana tawka murukunata tarpuy ushashunchu; ashtawankarin, shuk, ishkay murukunatallami wiñachi ushashun.  Wakllichishka murukunami Estados Unidosmanta shamunka; kaykunaka cáncer, alergia shuk llaki unkuykunatami apamunka ñukanchi ayllu llaktakunaman; kay na allikunatami transgénicos nishpa rimanchi.    

Rikunkapaklla: Mexicoka, 1994 watapimi Estados Undoswan TLCta paktachirka; jipaka, waccha runakunami jatun llakikunata rikurkakuna: paykunapak allpamanta kallpachi tukurka, paykunapak murukunata aparka, kuti shuk wakllichishka murukunata tikrachirca, shinami,  paykunapak saratapash wakllichirka.   Shinallatak, 20 junu,  mexicomanta runakunami, llankankapak shuk karu llaktakunaman llucshishkakuna.

 

 

2.-  TLCka ñukanchi, Derechos Colectivos allikunata, mamallaktapak Jatun Kamachitapash wakllichinkami.    Ashtawankarin charik mamallaktakunamanta  kullkiyuk runakunami paykunapak munashkata ruranka paykunapak empresas transnacionales tantarikunata sinchiyachinka.

 

3.- TLCka wacchakunatami ashtawan llakichinka: llankakkuna, maki rurakkuna, runakuna, yana runakuna, pampapi kawsakkuna, warmikuna, wawakunapash, mana paykunapak allikunata paktachi ushankakunachu.   Tukuy kamachikunatami wakllichinka.

 

4.- TLCka Estados Unidosmanta empresas transnacionales tantarikunata wiñachinkapakmi kan.   Jatuna-rantina ruraykunatallami rikun, shinaka, charik runakuna, karu llaktakunamanta runakunami ashtawan charikyanka.

 

5.-  TLCta Ecuadorpi paktachikpika, Noboa, Isaías, Febres Cordero, Pinto charik ayllukunapak empresakunallami ashtawan charikyanka, wacchakunaka mana ima allikunata tarishunchu.

 

6.-  TLCwanka karu llaktamanta charik runakunami, ñukanchi mamallaktapi: michata, yakuta, rimachik antakunata, jampita, allpa wirata rikuk ukukunata rantinka.  Kutin, kaykunata ñukanchiman jatunkapak, achka kullkitami mañanka, shina,  wakcha runakunaka, kay mutsuykunata, mana, chari ushashunchu.   Ima allpamamapi tyashkakunaka charikkunapak makipi sakirinka.

 

7.- TLCwanka, Estados Unidosmanta murukunata, mikunakunata, imakunatami  apamunka, ñukanchiman jatunkapak.   Chaymanta ñukanchi allpata llankakkuna, shuk ruraykunapi llankakkunapash mana empresakunata wiñachi ushankakunachu.   Ñukanchi, aparato productivo nishkami ashtawan llakipi urmanka.    Kutin Estados Unidosmanta allpata llankakkunamanka 20 waranka dólar kullkitami kuun, gobiernoka, alli llankachun nishpa.

 

8.-  TLCwanka Estados Undosmanta murukunatami, jatunkapak, apamunka; ashtawanpash, apamushkakunamanta impuestos arancelarios, kullkikunata, mana ñukanchi mamallaktaman kunkakunachu.   Kayka, déficit fiscal llakikunatami ashtawan apamunka.    Imanishpaka, ñukanchi mamallaktapak kullkimi pishiyanka.

 

9.-  TLCta paktachikpika empresas transnacionales tantarikunami, chikan ayllu llaktakunapak yachaykunata apanka, propiedad intelectual kamachikunata mushukyachishpa.   Runakunapak yachaykuna, yuyaykunaka karu llaktakunamanta, charik runakunapak makipimi urmanka.

 

10.- TLCwanka llankay illankami, wacchakuna, yarikaykuna, unkushkakunami ashtawan rikurinka.   Deuda Externapash mirarinkami.

 

11.- TLCwan Estados Unidoska Abya Yala llaktakunata sarunkapakmi munan.   Kay llakitami control político-militar nishpa riksinchi.

 

12.- TLCwan Estados Unidoska, tukuy pachamamata sarunatami maskakun.   Chaypami, capitalismo, neoliberalismo yuyaykunata sinchiyachinkapak munan.  

 

13.- TLCwanka Ñukanchi mamallaktapak, capital nacional, mama kullkikunaka, shuk karu llaktakunamanmi rinka, shuk llaktakunapi empresakunata, llankaykunata wiñachinkapak.

 

14.- TLCka, empresario charik runakunamanllami, visa de negocios pankakunata llucchi ushankakuna,  kutin waccha runakunamanka mana visa de trabajo pankakunata kunkakunachu.    Charikkunata yanapanka, wacchakunata ashtawan llakichinka.

 

15.- TLCta paktachishpa, mamallaktata pushak Lucio Gutierrezka, Bushpak yanapaytami maskakun, atipi sakirinkapak.  

 

 

Ñukanchi llaktakunapak kawsaymanta,

 

TLCta NA ni

Consulta Popular Tapuchipi, Na ni.

Shuti aspikunata tantachishunchik.

Campaña Nacional Contra el ALCA y el TLC.

Ecuarunari - Conaie, Acción Ecológica.

 

NOTA: Interpretación de español a Kichwa por Lucila Lema O.